யாழ்ப்பாணத்தில் வீடொன்றில் நேற்று ஏற்பட்ட தீ விபத்தில் இரண்டு பிள்ளைகளின் தாய் ஒருவர் உயிரிழந்துள்ளார்.
43 வயதான ஆசிரியையான நிஷாந்தினி நித்திலவர்ணன் என்பவரே உயிரிழந்துள்ளதாக தகவல்கள் தெரிவிக்கின்றன. வீட்டில் நேற்று ஏற்பட்ட திடீர் தீ விபத்தில் காயமடைந்த அவர் யாழ்ப்பாண – பருத்தித்துறை ஆதார வைத்தியசாலையில் அனுமதிக்கப்பட்டுள்ளார்.
எனினும் மேலதிக சிகிச்சைக்காக யாழ் போதனா வைத்தியசாலையில் அனுமதிக்கப்பட்ட பின்னர் உயிரிழந்துள்ளார். இவர் யா/ஹாட்லிக்கல்லூரியின் தமிழ் ஆசிரியை என்பதும் குறிப்பிடத்தக்கது.
சடலம் கூற்றுச் சோதனைக்காக யாழ் போதனா வைத்தியசாலையில் வைக்கப்பட்டுள்ளது. சம்பவம் தொடர்பில் பொலிஸார் மேலதிக விசாரணைகளை யாழ்ப்பாண – பருத்தித்துறை பொலிஸார் மேற்கொண்டு வருகின்றனர்.
