அமெரிக்க டொலருக்கு நிகரான இலங்கை ரூபாவின் பெறுமதியானது நேற்றைய தினத்துடன் ஒப்பிடும் போது இன்று (15) மேலும் வீழ்ச்சி கண்டுள்ளது.
அமெரிக்க டொலர் ஒன்றின் கொள்முதல் மற்றும் விற்பனை பெறுமதியானது இன்று முறையே 297.23 ரூபாவாகவும், 304.73 ரூபாவாகவும் உள்ளது.
நேற்று திங்கட்கிழமை (14) அமெரிக்க டொலர் ஒன்றின் கொள்முதல் மற்றும் விற்பனை பெறுமதியானது முறையே 297.13 ரூபாவாகவும், 304.71 ரூபாவாகவும் காணப்பட்டிருந்தது.
இருப்பினும், ஏனைய பல வெளிநாட்டு நாணயங்களுக்கு நிகராக ரூபாவின் பெறுமதி இன்று உயர்ந்துள்ளது.
அதேநேரத்தில், வளைகுடா நாணயங்களுக்கு எதிராக அதன் மதிப்பு குறைந்துள்ளது.
